తమిళంలో బిజినెస్‌మేన్‌

మహేష్‌బాబు, పూరి జగన్నాథ్‌ కాంబినేషన్లో వస్తున్న 'బిజినెస్‌మేన్‌' తమిళంలోకి కూడా అనువదిస్తున్నారు. ఈ తమిళ సినిమా డబ్బింగ్‌ రైట్స్‌ స్టూడియో గ్రీన్‌ సంస్థ అధినేత జ్ఞానవేల్‌ రాజా సొంతం చేసుకున్నాడు. డబ్బింగ్‌ వెర్షన్‌ పంపిణితోబాటు తమిళ రీమేక్‌ రైట్స్‌ కూడా ఆయనే తీసుకున్నాడట. ఇంతకీ ఈ జ్ఞానవేల్‌ రాజా ఎవరా ! అని అనుకుంటున్నారా !...మరెవరో కాదు...తమిళ హీరోలు సూర్య, కార్తీల సోదరుడు. ఓపక్క డబ్బింగ్‌ రైట్స్‌ తీసుకుని, మరొపక్క రీమేక్‌ రైట్స్‌ కూడా తీసుకోవడం వెనుక పెద్ద ప్లానే ఉందని అంటున్నారు. ఒకవేళ తెలుగులో సినిమా పెద్ద హిట్‌ అయితే, తమిళ డబ్బింగ్‌ వెర్షన్‌ ఆపేస్తారన్నమాట. అప్పుడు ఈ సబ్జెక్ట్‌ను తీసుకెళ్లి సూర్యతో రీమేక్‌ చేయాలన్నది ఆలోచన. ఒకవేళ బిజినెస్‌మేన్‌ మామూలు రేంజ్‌ సినిమా అయితే, డబ్బింగ్‌ వెర్షన్‌తో జ్ఞానవేల్‌ రాజా సరిపెడతాడు. అదీ సంగతి !