బాబు అరెస్ట్

విద్యుత్ ఛార్జీల పెంపుదల ప్రతిపాదనకు నిరసనగా తెలుగుదేశం నేతలు జరుపుతున్న పాదయాత్రకు పోలీసులు బ్రేక్ వేశారు.విద్యుత్ సౌద వరకు వెళ్లనివ్వాలని టిడిపి నేతలు డిమాండ్ చేసినప్పట్టికీ పోలీసులు అంగీకరించలేదు. ట్రాఫిక్ కు తీవ్ర ఆటంకం కలుగుతుందన్న భావనతో పోలీసులు ఈ నిర్ణయం తీసుకున్నారు. పోలీసుల చర్యకు నిరసనగా టిడిపి అధినేత చంద్రబాబు నాయుడు రోడ్డుమీద భైటాయించారు. తాను విద్యుత్ సౌధ వరకు వెళ్లాలని చంద్రబాబు డిమాండ్ చేసినా పోలీసులు అంగీకరించలేదు. ఆ తర్వాత వీరందరిని పోలీస్ స్టేషన్ కు తరలించారు. ఈ సందర్భంగా కొంతసేపు వాగ్వాదం, తోపులాట జరిగింది. టిడిపి నేతలందరిని బంజారా హిల్స్ పోలీస్ స్టేషన్ కు తరలించారు.