విశ్వసనీయతకు అర్ధం లేకుండా పోయింది: జగన్

మహానేత వైఎస్ రాజశేఖరరెడ్డి మరణించిన తర్వాత విశ్వసనీయత అనే మాటకు అర్ధం లేకుండా పోయిందని వైఎస్‌ఆర్ కాంగ్రెస్ పార్టీ అధినేత వైఎస్ జగన్మోహన్‌రెడ్డి అన్నారు. దివంగత నేత వైఎస్‌ను అప్రతిష్టపాలు చేయడానికి కాంగ్రెస్, టీడీపీలు కుమ్మక్కై అధికార దుర్వినియోగానికి పాల్పడుతున్నాయని జగన్ ఆరోపించారు. రైతుల కోసం, పేద ప్రజల కోసం పోరాటం చేయాలన్న ఆరాటం ప్రస్తుతం ఎవరిలోనూ కనిపించడం లేదని జగన్ ఆవేదన వ్యక్తం చేశారు. అవిశ్వాస తీర్మానం కారణంగా.. స్వల్ప విరామం తర్వాత ఓదార్పుయాత్రను గుంటూరు జిల్లాలో పునః ప్రారంభించారు.