నేటి అర్ధరాత్రి రైల్వే రిజర్వేషన్ల నిలిపివేత

అభివృద్ధి పనుల చేపడుతున్న దృష్ట్యా మంగళవారం(20వ తేదీ) అర్ధరాత్రి నుంచి 21వ తేదీ ఉదయం 6 గంటల వరకు దక్షిణమధ్య రైల్వేలోని ప్యాసింజర్ రిజర్వేషన్ సిస్టమ్(పీఆర్‌ఎస్)ను నిలిపివేస్తున్నట్లు ముఖ్య ప్రజాసంబంధాల అధికారి(సీపీఆర్వో) సాంబశివరావు ఒక ప్రకటనలో తెలిపారు. ఆ సమయంలో అన్ని రకాల విచారణ సేవలు, పీఎన్‌ఆర్ స్టేటస్, రైళ్ల రాకపోకల వేళలు, ఇంటర్నెట్ బుకింగ్ వంటి సదుపాయాలన్నీ నిలిచిపోతాయి.