లక్ష్మీ ప్రసన్న మంచుకి గోల్డెన్ ఆఫర్

నిర్మాతగా, నటిగా దూసుకువెళ్తున్న మంచు లక్ష్మీ ప్రసన్నకి ఓ గోల్డెన్ ఆఫర్ వచ్చింది. అది మరేదో కాదు మణిరత్నం చిత్రంలో ఆమెకు ఓ కీ రోల్ కి ఎంపిక అయ్యింది. ప్రస్తుతం సంజయ్ దత్ సరసన డిపార్టమెంట్ చిత్రంలో చేస్తున్న ఆమెను మణిరత్నం తన తదుపరి చిత్రంలో ఎంపిక చేసుకున్నారు. డిపార్టమెంట్ చిత్రంకోసం రామ్ గోపాల్ వర్మ రిలీజ్ చేసిన ఆమె స్టిల్స్ చూసిన మణి వెంటనే ఆ పాత్రకు లక్ష్మి అయితే న్యాయం చేయగలని నిర్ణయించుకన్నట్లు చెప్తున్నారు. అయితే ఆమె పాత్ర గురించి మాత్రం డిటేల్స్ ఏమీ తెలియరాలేదు. ఇక ఈ విషయాన్ని లక్ష్మి తన ట్విట్టర్ లో కన్ఫర్మ్ చేసింది. ఆమె ఈ విషయం ప్రస్తావిస్తూ... నేను ఇప్పుడే మణిరత్నం చిత్రానికి సైన్ చేసాను. ఇది నా తొలి తమిళ చిత్రం. ఆయనే నన్ను సినిమాలంటే ఆసక్తి కలిగించి, ఇన్ఫూలియన్స్ చేసిన వ్యక్తి, నా కలలు నిజమయ్యాయి అంటూ ట్వీట్ చేసింది.